பூங்ககாய் எனும் பூந்திக்காயின் தூய்மை பயன்கள்

  • by

மாறிவரும் மனித காலத்தில் எல்லாதில்லேயே  பாஸ்ட் தயாரிப்புகள் பயன்படுத்த துவங்கிவிட்டோம். வாழ்வில்  பல நல்ல மாற்றங்கள் என நாம் நினைப்பதைவிட நல்லது இருக்கும். உத்ராணமாக நாம்  பயன்படுத்தும் சோப்புகள், சாம்பூகள், டிஸ்வாஸ்கள், டிடெர்ஜெண்ட் என இவை அனைத்திலும் நாம் புது யுக்திகள் டிரெண்டுகள்  பாதுகாப்பு பயன்பாட்டுக்கு எளியது என பயன்படுத்துகின்றோம். 

அதனைவிட சிறந்தது சோப் நட எனப்படும் பூங்ககாய் இது இயற்கையான கிருமி நாசினியாகும் நமக்கு நலங்கள் பல தரும் இந்த நிவாரணியை  நமக்கேற்றவாறு பயன்படுத்த வேண்டும் என மக்கள் நினைக்கின்றனர். 

பூந்திக் கொட்டை

பூங்ககாயை நாம் பூந்திக் கொட்டை என அழைக்கின்றோம். 

இன்று அனைத்தும் நமக்கேற்ற தொணியில் கிடைக்கின்றது.  நவீன யுகத்தில் என்னதான் ஆடம்பர வசதிகள் இருந்தாலும் சிலருக்கு பழமை தான் பிடிக்கும். வடித்த சாதம், செக்கில் ஆட்டிய எண்ணெய், வாழை இலை சாப்பாடு என்பதுபோல், நுரை பொங்கும் மூலிகை குளியலும் எல்லோருக்கும் பிடித்தமான விஷயமே ஆகும். 

அவசர கதியான ஓட்டத்தில் சோப்பு, ஷாம்பு போன்ற பொருட்கள் நமக்கு உதவினாலும் கடலை மாவு, பாசிப்பயறு மாவு, அரைப்பு சீயக்காய் போன்றவற்றின் மகிமை அவற்றை தொடர்ந்து பயன்படுத்தினால் தான் புரியவரும் கடலை மாவினை சரிவர பயன்படுத்தும் பொழுது சோப்பை விட சிறந்து விளங்குகின்றது. 

பூந்திக் கொட்டை

பூந்திக்காய் சோப்பைவிட சிறந்தது:

நாம் பயன்படுத்தும் பலவிதமான சோப்புகளில், சுண்ணாம்பு சேர்க்கப்படுவதால் தோல் வறட்சி, வியர்வை கோளங்களில் அடைப்பு, ரோமக்கால்களில் அடைப்பு, ரோமங்கள் வெடித்து, தோலின் மென்மையான புற அடுக்கு தடித்து கானப்படுகின்றது. மேலும் அது  வீங்கி நிறம் மாறல், நகமும், தோலும் இணையும் இடத்தில் வெடிப்பு ஏற்பட்டு, பூஞ்சை மற்றும் பாக்டீரியா கிருமிகள் வளருதல் என பல தொல்லைகளால் நாம் அவதிக்குள்ளாகின்றோம். 

 கெமிக்கல் சோப்புகளை பயன்படுத்துவதை பூந்திக்காயை வைத்து தயாரிக்கப்படும் சோப்பு மிக நல்லது ஆகும்.  பெரும்பாலான சோப்புகள் கிருமிகளை நீக்கும் ஆசிட்களாகத்தான் செயல்படுகின்றன தவிர, தோலுக்கு எந்த நன்மையும் கொடுப்பது இல்லை என்பது உண்மையாகும். 

சோப்பின் பல்வேறு நிறத்திற்காக சோப்பில் சேர்க்கப்படும் சாயப்பொடிகளும், நுரைக்காக சேர்க்கப்படும் சல்பேட்டுகளும் தோல் வறட்சியை அதிகப்படுத்துவதுடன் அரிப்பையும், வறட்சியையும் உண்டாக்கிவிடுகின்றன. நாம் பலவகையான சோப்புகளை விரும்பி பயன்படுத்துவதற்கு காரணம் அவற்றின் நுரைப்புத்தன்மை மற்றும் விளம்பரங்களின் மீது ஈர்ப்பு ஆகியவை ஆகும். 

குளியலில் நமக்கு பலவழிகள் உண்டு, தினமும்  நுரை பொங்க குளித்துவிட்டு வந்தால்தான், குளித்தது போன்ற புத்துணர்ச்சியானது நமக்கு கிடைக்கப் பெறுகின்ற உணர்வில் வாழ்கின்றோம். 

 கெமிக்கல் சோப்புகளின் மேல் உள்ள  மாயை அனைவரிடமும் நிலவிவருகிறது. பழங்காலத்தில் நுரை தரக்கூடிய பொருட்களை, குளியல் பொடியில் பயன்படுத்தினோம்.

பூந்திக் கொட்டை

பழங்கால பயன்பாட்டு முறை:

செம்பருத்தி பூ, துளசி, சுரை, பீர்க்கு குடுவைகள், வாழை மட்டை போன்றவை நுரை மற்றும் வழுவழுப்பு தருவதால், குளியல் பொடிகளில் இவற்றை பயன்படுத்தி முன்னோர்கள்  குளித்து மகிழ்ந்தனர். இவற்றை உடனடியாக பயன்படுத்த வேண்டும். உலர்ந்தபின் பயன்படுத்தினால் இதன் நுரைப்புத்தன்மை மாறிவிடுவதுண்டு. இதுபோன்ற நடைமுறை சிக்கல்களால், இவற்றின் பயன்பாடு குறைந்து சோப்பின் ஆதிக்கம் அதிகரித்தது.

நாம் பயன்படுத்தும் குளியல்பொடி மற்றும் கேசப்பொடிகளில் இயற்கையின் கலவை அதிகமாக இருந்தால் தான், நமது தோலும், கேசமும் ஆரோக்கியமாக இருக்கும். கேசத்திற்கு பளபளப்பையும், தோலுக்கு வழுவழுப்பையும் தந்து நுரை பொங்க குளித்த திருப்தியை தரும் மூலிகை தான் பூந்திக்கொட்டை ஆகும். இதன்  மூலம் தலையை சுத்தம் செய்யலாம். உடலை சுத்தம் செய்யலாம். நாம் உடுத்தும் துணியை சுத்தம் செய்யலாம் மற்றும் பாத்திரங்கள் கழுவலாம். கைகள் கழுவவும் பயன்படுத்தலாம் மற்றும் இதனை கொண்டு வீட்டையும் சுத்தம் செய்யப்படும். பூந்திக்கொட்டை ஒரு இயற்கை கிருமி நாசினியாகும் அதனை நாம் எவ்வாறு பயன்படுத்துகின்றோம் என்பதில்தான் எல்லாம் உள்ளது. 

சபின்தஸ் எமார்ஜினேட்டஸ் என்ற தாவரவியல் பெயர் கொண்ட சப்பின்டேசியே குடும்பத்தைச் சார்ந்த இந்த மரத்தின் உலர்ந்த பழங்கள் பூந்திக்கொட்டை என்றும் பூவந்திக்கொட்டை என்றும், சோப்புக்காய் என்றும் அழைக்கப்படுகின்றன. இதன் பழத்தோலில் உள்ள சப்போனின்கள், சப்பின்டோசைடுகள், ஹெடராஜெனின்கள் மற்றும் டெர்பினாய்டுகள் பூஞ்சை கிருமிகளின் வளர்ச்சியை கட்டுப்படுத்தி, தோலுக்கு பிரகாசத்தையும் மென்மையும் உண்டாக்குகின்றன. 

உசிலை இலை, இலுப்பை பிண்ணாக்கு, ரோஜாப்பூ, செம்பரத்தை பூ, செம்பரத்தை இலைகள், சிகைக்காய், வெட்டிவேர், விளாமிச்சம் வேர், நன்னாரி, பூலாங்கிழங்கு, ஆவாரம்பூ, வெந்தயம், பூந்திக்கொட்டை ஆகியவற்றை சமஅளவு எடுத்து, சுத்தம் செய்து வெயிலில் நன்கு காய வைக்க  வேண்டும். 

 பூந்திக்காயயை அரைத்து, துணியில் சலித்து வைத்துக் கொள்ளவேண்டும். இதை நீரில் குழப்பி, சற்று நேரம் வைத்திருந்து, பின் தலை மற்றும் உடலில் தேய்த்து குளித்துவர நுரை உண்டாகி, அழுக்கு நீங்கி, தோலும், கேசமும் சுத்தமடையும்.

வீட்டில் ஏற்கனவே வேறு குளியல் பொடி உபயோகப்படுத்துபவர்கள் பத்தில் ஒரு பங்கு பூந்திக்கொட்டை பொடியை கலந்து பயன்படுத்திவரலாம். பூந்திக்கொட்டையை லேசாக வறுத்து, மேற்தோலை உரித்து, இடித்து வைத்துக் கொண்டு அவ்வப்போது சோறு வடித்த கஞ்சி அல்லது சீயக்காய் தூளுடன் கலந்து தலையில் தேய்த்து, அலசி, குளித்துவரலாம்.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன